Ylli televiziv Kim Kardashian gjithmonë ia arrin të tërheqë vëmendjen e mediave rozë. Së fundmi, miliarderja ka shpërndarë disa foto në llogarinë e saj të “Instagram”-it aty ku ka prezantuar koleksionin e saj të ri të bikinit “SKIMS Swim”.  Në këto foto, 42-vjeçarja është shfaqur krah modeleve të cilat mbanin në kokë maska si aliane. Një ide gjeniale e Kim, nuk mendoni kështu?!

Rikujtojmë, se blerja më e fundit historike e Kim Kardashian ka nxitur reagime te ndjekësit. Sotheby’s njoftoi se Kim kishte shpenzuar mbi 197,453 dollarë për gjerdanin kryq ametist të Princeshës Diana. Lajmi nuk u prit mirë në mediat sociale. “Ajo me të vërtetë po përpiqet të traumatizojë fantazmat e grave ikonike,” shkroi në Twitter Def Noodles, ndërsa një tjetër shkroi: “Duke menduar për përkushtimin e Kim për t’u lidhur me trashëgimitë tashmë ekzistuese të modës të njerëzve të vdekur”.