Vuçiç provokon sërish: Një miliardë e gjysëm euro buxhet për ushtrinë!

vovalbania August 13, 2022 0 koment 1 Mund të lexoni në minuta.
Vuçiç provokon sërish: Një miliardë e gjysëm euro buxhet për ushtrinë!

Presidenti i Serbisë, Aleksandar Vuçiç, vazhdoi me provokimet ndaj Kosovës, duke i vënë në shënjestër të gjitha autoritetet qeverisëse, nga kryeministri Albin Kurti të cilin e quajti aq të përvuajtur sa nuk mundet as ta fyejë më.

Në një intervistë për mediat serbe, Vuçiç i kritikoi të gjithë që nga shtetet e rajonit deri te bashkësia ndërkombëtare – duke u kujdesur që ta lavdërojë KFOR-in, por pa e theksuar NATO-n , ndërsa për kosovarët rezervoi arsenalin e retorikës populiste, përqeshjen dhe kërcënimin.

Ai njoftoi se ka synim që shërbimin ushtarak në Serbi të jetë i detyrueshëm për qytetarët serbë, përveç ushtrisë profesionale. U kujdes ta shtojë se nuk brengoset fare se çfarë mendojnë në rajon për përforcimin e ushtrisë serbe, pasi kishte përgatitur batutën për kryeministrin Kurti dhe liderët e tjerë ballkanikë.

“A iu kam borxh atyre t’iu raportoj, apo popullit tonë? Çfarë doni, që ne të jemi thes boksi e të na godasin, përkundër heroizmit të ushtarëve dhe oficerëve tanë, sikur të nëntëdhjetave. E ata që po armatosen që të gjithë. Që po veçojnë nga 20 përqind të municioneve të tyre nëpër depo. E pse po blini helikopterë nga SHBA dhe kundërajror nga Gjermania pra. Kë doni të sulmoni, Austrinë apo Slloveninë? Kurti tha se do të ketë 130 milionë buxhet për ushtri. S’ka problem, ne do të kemi një miliardë e gjysmë” tha Vuçiç.

Biletë:

vovalbania

Redaktori nuk ka dhënë ende asnjë informacion për veten e tij.

Total 52186 ka shpërndarë postimin.
MEDIAT SOCIALE