Nuk po e kuptojmë çfarë po ndodh me Netflix/Platforma po vjen me ndryshime të reja që nuk do t’i pëlqejnë aspak përdoruesve!
![](https://www.vovmagazine.al/wp-content/uploads/2022/02/56-2-150x150.png)
![Nuk po e kuptojmë çfarë po ndodh me Netflix/Platforma po vjen me ndryshime të reja që nuk do t’i pëlqejnë aspak përdoruesve!](https://www.vovmagazine.al/wp-content/uploads/2022/08//nuk-po-e-kuptojme-cfare-po-ndodh-me-netflix-platforma-po-vjen-me-ndryshime-te-reja-qe-nuk-do-ti-pelqejne-aspak-perdoruesve.jpeg)
Çdo platformë dhe rrjet social po ndryshon dita-ditës. Pas ndryshimeve të Instagram, Whatsapp, YouTube dhe Snapchat tani është radha e Netflix. Sipas raportimeve të bëra së fundmi Netflix ka ndërmarrë një lëvizje aspak të mirë për përdoruesit. Shkarkimi i filmave dhe serialeve është një nga pluset më të mëdha për përdoruesit e këtij shërbimi streaming, por duket se do ta shijojnë vetëm ata që zgjedhin paketën më të shtrenjtë.
![](https://www.vovmagazine.al/wp-content/uploads/2022/08/nuk-po-e-kuptojme-cfare-po-ndodh-me-netflix-platforma-po-vjen-me-ndryshime-te-reja-qe-nuk-do-ti-pelqejne-aspak-perdoruesve-62ff8728446a0.jpg)
Domethënë, Netflix është duke përgatitur një paketë më të lirë që përmban reklama dhe pritet të jetë në dispozicion vitin e ardhshëm. Sipas Bloomberg, kodi i fshehur në aplikacionin iPhone tregon se Netflix nuk planifikon të lejojë opsionin e shkarkimit për përdoruesit me një paketë më të lirë. Synimi i Netflix u zbulua nga zhvilluesi Steve Moser, i cili postoi atë kod brenda aplikacionit të iPhone përmban tekstin e mëposhtëm “Shkarkime të disponueshme për të gjitha paketat përveç Netflix me reklama”.
Një tjetër vendim i Netflix mund të lexohet nga kodi i fshehur, se përdoruesit me një paketë më të lirë nuk do të jenë në gjendje të kapërcejnë reklamat ose të kenë qasje në kontrollet e riprodhimit ndërsa reklamat janë duke luajtur. Netflix refuzoi të komentojë mbi spekulimet dhe kjo nuk është lëvizja e parë që ka zemëruar përdoruesit. Netflix kohët e fundit filloi të tarifonte për ndarjen e fjalëkalimit, gjë që shkaktoi reagime nga përdoruesit.
![](https://www.vovmagazine.al/wp-content/uploads/2022/08/nuk-po-e-kuptojme-cfare-po-ndodh-me-netflix-platforma-po-vjen-me-ndryshime-te-reja-qe-nuk-do-ti-pelqejne-aspak-perdoruesve-62ff8729a32ef.jpg)
Rikujotjmë gjithashtu se Disney do të nisë një shërbim të ri transmetimi të mbështetur nga reklamat në SHBA në dhjetor, një përpjekje kjo që kalon Netflix-in në garën për abonentë me pagesë.
Firma raportoi 221.1 milionë abonentë në tre platformat e saj të transmetimit në fillim të korrikut. Kjo e vendosi atë përpara Netflix, i cili tashmë ka humbur një numër të madh abonentësh.