Mbretëresha e Anglisë, Elizabeth II u nda nga jeta këtë të enjte, ndërsa froni i kaloi menjëherë dhe pa ceremoni trashëgimtarit, Charles, ish Princit të Uellsit. Por ka një sërë hapash praktike, dhe tradicionale, nëpër të cilat ai duhet të kalojë për t’u kurorëzuar Mbret.

Si do të quhet ai?

Një nga veprimet e tij të para është të vendosë nëse do të mbretërojë si Mbreti Charles III, apo do të marrë një emër tjetër. Për shembull, emri i parë i gjyshit të tij George VI ishte Albert, por ai mbretëroi duke përdorur një nga emrat e tij të mesëm. Do të ketë gjithashtu një titull të ri për gruan e Charles, titulli i plotë i së cilës do të jetë Queen Consort, termi që përdoret për bashkëshorten e monarkut.

Ceremonitë formale

Në rreth 24 orët e para pas vdekjes së nënës së tij, Charles do të shpallet zyrtarisht Mbret. Kjo ndodh në Pallatin St James në Londër, përballë një organi ceremonial të njohur si Këshilli i Aderimit.

Ky është i përbërë nga anëtarë të Këshillit Privy, një grup deputetësh të vjetër, të kaluar dhe të tashëm, dhe disa nëpunës të lartë civilë, komisionerë të lartë të Commonwealth dhe Kryebashkiaku i Londrës. Më shumë se 700 njerëz kanë të drejtë të marrin pjesë.

Kurorëzimi

Pika e lartë simbolike e pranimit do të jetë kurorëzimi, kur Charles të kurorëzohet zyrtarisht. Për shkak të përgatitjes së nevojshme, kurorëzimi nuk ka gjasa të ndodhë shumë shpejt. Mbretëresha Elizabeth trashëgoi fronin në shkurt 1952, por nuk u kurorëzua deri në qershor 1953.

Për 900 vitet e fundit kurorëzimi është mbajtur në Westminster Abbey, Uilliam Pushtuesi ishte monarku i parë që u kurorëzua atje, dhe Charles do të jetë i 40-ti.

Është një shërbim fetar anglikan, i kryer nga Kryepeshkopi i Canterbury-t. Në kulmin e ceremonisë, ai do të vendosë kurorën e Shën Eduardit në kokën e Charles, një kurorë e fortë prej ari, që daton nga viti 1661.

Kreu i Komonuelthit

Charles është bërë kreu i Commonwealth, një shoqatë e 56 vendeve të pavarura dhe 2.4 miliardë njerëzve. Për 14 nga këto vende, si dhe në Mbretërinë e Bashkuar, Mbreti është kreu i shtetit.

Këto vende, të njohura si mbretëritë e Komonuelthit, janë: Australia, Antigua dhe Barbuda, Bahamas, Belize, Kanada, Grenada, Xhamajka, Papua Guinea e Re, Shën Christopher dhe Nevis, Shën Lucia, Shën Vincenti dhe Grenadinet, Zelanda e Re, Solomon Ishujt, Tuvalu./ BCC