Pronarët e mëparshëm të shtëpisë iu lutën të mos bënte shkarravina në mure por ky burrë nuk mundi ta mbante veten. Sipas ‘Metro Uk’, bëhet fjalë për një artist i cili ka mbuluar çdo centimetër katror të shtëpisë së tij prej 1.5 milion euro me ‘shkarravina’. Sam Cox, i njohur gjithashtu si Mr Doodle, ka kaluar dy vitet e fundit duke “suvatuar” muret e rezidencës së tij me gjashtë dhoma gjumi me vizatimet bardh e zi.

Qëllimi i tij i përjetshëm kishte qenë të blejë një shtëpi për ta shndërruar në një “varg shkarravinash” dhe në vitin 2019, ëndrra e 28-vjeçarit u bë realitet kur ai bleu një pronë në qytetin e çuditshëm të Tenterden, Kent për 1.5 milion euro. Projekti aventuresk i artistit filloi në dhomën kryesore të gjumit, të cilën ai e dekoroi me vizatime me temë “ëndrra” dhe banjën, e cila ka një temë deti.