Siç e dimë Princi Harry dhe Meghan Markle janë prindër të dy fëmijëve të vegjël, Archie Harrison, 3 vjeç dhe Lilibet Diana, 2-vjeçe. Shumë fansa të tyre po pyesin nëse Duka dhe Dukesha po përpiqen për një fëmijë të tretë. Por çfarë kanë thënë Harry dhe Meghan për këtë çështje?

Në korrik 2019, Harry tha për revistën ‘Vogue’ se:

Mendoj, për shkak të njerëzve që kam takuar dhe vendeve ku kam pasur fatin të shkoj, kam pasur gjithmonë një lidhje dhe një dashuri për natyrën. Tani e shoh ndryshe, pa diskutim. Por gjithmonë kam dashur të përpiqem dhe të siguroj këtë, edhe para se të kem fëmijë dhe të shpresoj të kem fëmijë…Dy fëmijë, maksimumi! Por unë gjithmonë kam menduar, ky vend është huazuar. Duhet të jemi në gjendje të lëmë diçka më të mirë për brezin e ardhshëm.

Pra mesa duket çifti nuk do të bëjë një fëmijë të tretë. Së fundmi thuhet se Princ Harry dhe Meghan Markle janë në mosmarrëveshje me Netflix-in pasi ata dëshirojnë të tërhiqen nga ajo që duan t’i tregojnë publikut në dokumentarin e tyre të ardhshëm. Çifti dyshohet se dëshiron të heqë pjesë nga dokumentari të cilin ata e kanë filmuar për më shumë se një vit por shefat e Netflix nuk janë aspak dakord. Një burim i Netflix tha se:

Harry dhe Meghan kanë mendime të dyta për historinë e tyre, për projektin e tyre.

Sipas një burimi tjetër Duka dhe Dukesha e Sussex-it donin të redaktonin dokumentarin pas vdekjes së Mbretëreshës Elizabeth II muajin e kaluar. Ndërkaq, sipas një libri të ri tronditës, Meghan Markle gjithmonë ka dashur të refuzohet nga Familja Mbretërore. Në librin “Courtiers: The Hidden Power Behind the Crown”, Dukesha e Sussex dyshohet se u bë “e fiksuar” me historinë që shërbeu si bazë për Megxit, një vendim që morën për largim nga Familja Mbretërore.