Jennifer Lopez dhe Ben Affleck, ishin bashkë në tapetin e kuq për herë të parë që nga kur u martuan në korrik. Aktorja 53-vjeçare dhe aktori 50-vjeçar udhëhoqën paradën e yjeve në eventin e mbushur me yje Ralph Lauren Pranverë 2023 të Eksperiencës së Modës në San Marino, Kaliforni të enjten.

Jennifer zgjodhi një look të mahnitshëm me një fustan të zi me vija, i cili tregonte dekoltenë e saj. Jennifer e bashkoi look-un me një palë taka të zeza Christian Louboutin dhe një kapelë kauboji. Flokët e saj të mëndafshta me nuancë mjalti i binin mbi njërën shpatull.

Për mbrëmjen e tij me Lopez, Affleck ishte veshur me një xhaketë gri qymyrguri me pantallona të ngushta dhe një këmishë të zezë. Aktori stiloi pamjen klasike me një kravatë me model që thuajse përzihej me kopsat e tij, si dhe një palë këpucë lëkure me shkëlqim.

‘Bennifer’ magjepsi me fotot e shfaqjes para pasarelës me duart e tyre të bashkuara teksa rrezatonin lumturinë e të porsamartuarve. Në një moment, Jennifer u kap duke vështruar burrin e saj me një buzëqeshje të ngrohtë. Jennifer dhe Ben më vonë u kapën duke pozuar për foto me fituesen e çmimit Oscar Jessica Chastain dhe bashkëshortin e saj Gian Luca Passi de Preposulo.