Ne kemi arritur tashmë rezultate të rëndësishme. Këtë muaj u rrëzuan 233 drone Shahed dhe dhjetëra raketa, deklaroi presidenti ukrainas, Volodymyr Zelensky.

“Dhjetë dronë iranianë u shkatërruan sot në drejtim të Kievit. Njëmbëdhjetë dronë të tjerë Shahed u rrëzuan falë ushtarëve të komandës ajrore në Pivden”, shtoi Zelensky.

“Faleminderit djema për punën e shkëlqyer!”, shkroi Zelensky në Telegram.

“Ka pasur rezultate edhe në fusha të tjera. Por, për fat të keq, ka edhe ndikime. Kemi dëme të reja në infrastrukturat kritike. Tre centrale janë sot shkatërruar nga armiku’, shtoi ai.

Të enjten, më 20 tetor Bashkimi Evropian vendosi sanksione ndaj tre gjeneralëve iranianë dhe një prodhuesi armësh të akuzuar për furnizimin me drone kamikazë iranianë në Rusi, që janë përdorur në valën e fundit të sulmeve ajrore ndaj objektivave civilë dhe të infrastrukturës ukrainase.