Mariah Carey, 52 vjeç, postoi një homazh të dashur për ditëlindjen për babain e saj të ndjerë në Instagram të dielën, pasi restauroi makinën e tij sportive të vjetër. Superylli fitues i Grammy-t ndau një seri fotosh që tregonin restaurimin mahnitës të makinës së kuqe.

“Gëzuar ditëlindjen babai im Alfred Roy Carey”, ka shkruar këngëtarja. “Makina që nuk arrite ta përfundosh kurrë është restauruar me dashuri, e kompletuar me shpirtin tënd dhe fëmijët e mi. Më fal që nuk të thashë kurrë, gjithçka doja të them.”

Alfred Roy Carey ndërroi jetë nga kanceri në vitin 2002 në moshën 72-vjeçare. Prindërit e nënës së Mariah, Patricia-s, e mohuan atë për martesën me një burrë me ngjyrë dhe tensionet racore e penguan çiftin e ri të gjenin paqen në komunitetin e tyre në Huntington, Nju Jork.

Pas lindjes së Mariah në vitin 1969, fqinjët dyshohet se helmuan qenin e familjes, i vunë zjarrin makinës dhe qëlluan një plumb përmes dritares së kuzhinës së tyre. Çifti u divorcua kur Mariah ishte tre vjeç dhe marrëdhënia e Mariah me babain e saj u reduktua në kalimin e të dielave së bashku. “Babai im dëshironte disiplinën, kulturën dhe lirinë”, shkroi këngëtarja në kujtimet e saj të vitit 2020 “The Meaning of Mariah Carey”.