Në dy vitet e fundit njerëzit kanë patur shumë arsye për t’u shqetësuar. Së fundmi, kompania ndërkombëtare e kërkimit dhe konsulencës së tregut IPSOS, pyeti pothuajse 20.000 qytetarë të 29 vendeve midis moshës 16 dhe 74 vjeç çdo muaj për dy vjet. Sondazhi zbuloi se nëse disa shqetësime mbaheshin “konstante”, të tjerët qëndronin në krye ose në fund të shkallës së përparësisë. Në shtator 2020, shqetësimi kryesor i të anketuarve ishte koronavirusi. Sot, kriza shëndetësore ka kaluar në plan të dytë dhe në shtator 2022, vetëm një në 10 persona e vendosi COVID-in në krye të shqetësimeve të tyre.

Në qendër të frikës së njerëzve është inflacioni, i cili ka kaluar si një shqetësim serioz në 8% të rasteve për 4 nga 10 pjesëmarrës. Më të shqetësuarit janë qytetarët e Polonisë dhe Argjentinës. Në vitin 2020 vetëm 9% e italianëve ishin të shqetësuar nga rritja e çmimeve, ndërsa tani përqindja është rritur në 35%. E njëjta tendencë u regjistrua në Britaninë e Madhe, e cila shkoi nga 19% në 56%, në Spanjë (nga 9% në 39%), në Francë (nga 13% në 39%) dhe madje edhe në Gjermani (nga 19% në 49%).

Sondazhi IPSOS vë në dukje gjithashtu një pakënaqësi të përgjithshme të qytetarëve me menaxhimin e këtyre çështjeve nga qeveritë e tyre. Sipas dy të tretave të pjesëmarrësve, vendi i tyre nuk po shkon në drejtimin e duhur dhe vetëm banorët e Arabisë Saudite dhe Indonezisë duket se janë plotësisht të kënaqur me vendin ku jetojnë, me përkatësisht 95% dhe 81% përgjigje pozitive. Më kritikët ishin peruanët dhe argjentinasit, me vetëm 10% të përgjigjeve pozitive.

Rikujtojmë, se inflacioni në Shqipëri paraqitet i ulët e sipas guvernatorit të Bankës së Shqipërisë, Gent Sejko, “ndër shkaqet kryesore është çmimi i rregulluar i energjisë elektrike për familjet”. Gjatë fjalës në Konferencën e 16-të vjetore të institucionit që drejton, të organizuar në bashkëpunim me shkollën e Londrës për Shkenca Ekonomike dhe Politike (LSE), Sejko tha se pavarësisht kësaj, inflacioni shënoi rritje të shpejtë gjatë 2022-shit, duke arritur 8% në tremujorin e tretë, niveli më i lartë i regjistruar që prej vitit 1998.