Ish-ylli i “One Direction”, Zayn Malik, i ka bërë thirrje Rishi Sunak që t’u japë të gjithë fëmijëve që jetojnë në varfëri një vakt shkollor falas në mes të krizës së kostos së jetesës. Këngëtari, 29 vjeç, i kërkoi kryeministrit të përdorte buxhetin e tij të nëntorit për të përfshirë të rinjtë nga familjet me Kredi Universale.

Malik, i cili mbështetej në dreka falas në shkollë kur ishte fëmijë duke u rritur në Bradford, po mbështet fushatën Feed The Future të Fondacionit të Ushqimit. Në letrën e tij, ai shkruan:

Këta fëmijë vuajnë nga mungesa e përqëndrimit, disa madje përdorin vjedhjen e ushqimit nga mensat e shkollave, sepse janë shumë të uritur, por nuk kanë mundësi të blejnë drekë. Ata gjithashtu po ndiejnë turp që po ndikon drejtpërdrejt në shëndetin e tyre fizik dhe mendor. E di se si është ai turp, e kam parë nga dora e parë, pasi duke u rritur në Bradford, mbështetesha te ushqimet falas në shkollë. Unë personalisht kam përjetuar stigmën rreth pasigurisë ushqimore. Shpresoj se me shkrimin e kësaj letre ne të gjithë mund të sigurohemi që asnjë fëmijë të mos e përjetojë më këtë uri dhe stigmë pasi përvoja ime nuk është unike, është një luftë që shumë fëmijë në Angli po e kalojnë fatkeqësisht tani.

Sipas Fondacionit të Ushqimit, vlerësohet se 800,000 fëmijë në Angli jetojnë në varfëri, por aktualisht nuk kualifikohen. Malik thotë se shumë prindër tashmë po bëjnë gjithçka që munden dhe mbështetja e qeverisë është shumë e nevojshme.