Festa e Krishtlindjes është një nga kremtet më të rëndësishme në kalendarin e festave të krishtera. Ajo kremtohet dhe festohet çdo datë 25 dhjetor dhe në të kujtohet lindja e shpëtimtarit Jezu Krisht. Pas Pashkëve është festa më e rëndësishme për të krishterët. Krishtlindja tregon për fëmijërinë tonë, për momentet e lumtura në familje, për buzëqeshjet dhe përqafimet që mbeten të gdhendura në mendje dhe në zemër.

Por, çfarë do të thotë Krishtlindjet nga pikëpamja psikologjike? Steve McKeown, psikolog dhe themelues i klinikës McKeown, dekorimi i shtëpisë paraprakisht ndihmon për t’u bërë përsëri një fëmijë i vogël dhe është tipik për ata që janë në gjendje të jetojnë më mirë emocionet e tyre. Aq sa mund të thuhet se ata që dekorojnë pemën e Krishtlindjes paraprakisht janë një person më i lumtur se mesatarja e njerëzve.

Dekorimi i një peme të Krishtlindjes largon stresin e jetës së të rriturve. McKeown konfirmon se dekorimet e hershme ndihmojnë për të lënë pas stresin e jetës së të rriturve. Dekorimet kanë fuqinë të shumëfishojnë entuziazmin dhe të na bëjnë të ndihemi sërish fëmijë. Nëse nuk e keni bërë ende, atëherë është koha për të nxjerrë pemën e Krishtlindjes dhe për të hequr qafe stresin. Na bën të dukemi më bukur.

Nëse keni fqinjë për t’u njohur ose për t’u lidhur, është koha të dekoroni derën tuaj të jashtme. Një studim në “Journal of Environmental Psychology” zbuloi se dekorimet e jashtme të Krishtlindjeve na bëjnë të dukemi më dashamirës dhe të shoqërueshëm ndaj tyre. Na lidh me njerëzit e dashur. Psikoterapistja Amy Morin shpjegon se fryma e Krishtlindjes, veçanërisht dekorimet në shtëpinë tonë, krijojnë një lidhje me të dashurit që nuk janë më pranë.

Atmosfera e Krishtlindjeve ndihmon për t’i ndierë ata më afër dhe për të rijetuar momentet e festave të kaluara së bashku. Rrit gjithashtu mirëqenien psiko-fizike. Të gjitha këto ndjenja pozitive vetëm sa do t’ju bëjnë të ndiheni më mirë, të jeni më të lumtur dhe të rrisin mirëqenien tuaj të përditshme. Ndërkaq, nëse pëlqeni bredhat natyralë për periudhën e Krishtlindjes dhe Vitit të Ri, klikoni në këtë link për disa këshilla nga ekspertët në mënyrë që bredhi juaj të zgjasë shumë kohë i bukur dhe i freskët.