Së fundmi, raportohet se ish-prezantuesi i njohur i “Tonight Show”, Jay Leno është shtruar në spital pasi një zjarr i tmerrshëm në makinë e ka lënë atë me djegie serioze në fytyrë. Koleksionisti i zjarrtë i makinave ishte në garazhin në Los Angeles ku ruante dhjetëra automjetet e tij të çmuara kur njëra prej tyre shpërtheu në flakë.

Burimet thanë për gazetën se shpërthimi i ka djegur rëndë anën e majtë të fytyrës por nuk i ka dëmtuar syrin apo veshin. Ai u transportua në qendrën e djegies Grossman në Los Angeles. 72-vjeçari më vonë konfirmoi lajmin për aksidentin në një deklaratë për ‘Variety’.

Kam marrë disa djegie të rënda nga zjarri i benzinës. Jam mirë. Duhen vetëm një ose dy javë për t’u rikthyer në këmbë.

Një burim i afërt me familjen e tij tha se:

Gjithçka që dimë është se ai është gjallë, kështu që lutjet tona shkojnë për të dhe familjen e tij sonte.

Që nga qershori i këtij viti, koleksioni mbresëlënës i makinave të Lenos ‘mburrej’ me mbi 180 automjete, duke përfshirë makina ekzotike, hipermakina dhe objekte muzeale. Është e paqartë se cila nga automjetet e Lenos mund të ketë mosfunksionuar që shkaktoi incidentin që e la me pasoja atë.