Në vendin e parë në renditjen e 100 grave më me ndikim në politikë, për rolin e saj gjatë luftës në Ukrainë dhe për menaxhimin e pandemisë koronavirus është presidentja e Komisionit të BE-së, Ursula von der Leyen. Revista amerikane “The Forbes” publikoi këtë renditje të grave më të fuqishme në politikë për vitin që po lemë pas. Për numrin një të KE-së, thuhet:

Ndikimi i saj është unik, asnjë grua tjetër, në renditje, nuk ka udhëhequr një politikë në emër të 450 milion banorëve.

Giorgia Meloni është gruaja e shtatë më e fuqishme në botë sipas renditjes së “Grave më të fuqishme në politikë në 2022” të hartuar nga “The Forbes”. Po ashtu, kryeministrja rezulton e vetmja italiane në listë.

Si liderja e qeverisë së ekstremit të djathtë të Italisë që nga fundi i Luftës së Dytë Botërore, Meloni është një figurë kontroverse, e ardhmja politike e së cilës mbetet e pasigurt. Pavarësisht kësaj, suksesi i saj përfaqëson një arritje për lidershipin femëror, qoftë edhe vetëm sepse ajo është e vetmja grua që udhëheq një vend të G20-s.

Ndër 10 gratë më me ndikim, në vendin e dytë është renditur presidentja e BQE-së Christine Lagarde, në vendin e tretë zëvendëspresidentja e SHBA-së, Kamala Harris dhe në vendin e katërt CEO e “General Motors”, Mary Barra.