Padia e ngritur kundër këngëtares Taylor Swift për të drejtën e autorit të këngës “Shake It Off” është rrëzuar pas gati pesë vjetësh. Padia, e cila u ngrit nga kantautorët Sean Hall dhe Nathan Butler në 2017, pretendonte se Swift vodhi tekstet nga kënga e 3LW “Playas Gon’ Play” për të shkruar “Shake It Off”. Megjithatë, avokatët e fitueses së Grammy-t dhe të dy kantautorëve dorëzuan një kusht të përbashkët duke i kërkuar një gjykate të Kalifornisë të heqë padinë.

Gjykatësi Michael Fitzgerald, e hodhi poshtë zyrtarisht padinë vetëm disa javë përpara se të fillonte gjyqi. Fitorja për Swift vjen katër muaj pasi këngëtarja theu heshtjen e saj për këtë çështje. Ajo deklaroi se nuk e kishte dëgjuar kurrë këngën për të cilën u akuzua për plagjiaturë.

“Teksti i këngës “Shake It Off” është shkruar tërësisht nga unë”, pohoi këngëtarja në dokumentet e gjykatës. Hall dhe Butler fillimisht pohuan se artistja mori rreshtat; “Playas gon’ play / And haters, they gon’ hate.” Megjithatë, Swift i mohoi akuzat duke pohuar se:

Në shkrimin e teksteve, u bazova pjesërisht në përvojat e jetës sime. 

Nd/rkaq, Swift po përballet me një tjetër padi për të drejtën e autorit për një libër të publikuar në vitin 2019. Autorja Teresa La Dart e ka paditur për më shumë se një milion dollarë. Ajo pretendon se artistja kopjoi librin e saj me poezi, “Lover”, për broshurën shoqëruese për albumin “Lover”.

Rikujtojmë, se së fundmi ‘Searchlight Pictures’ njoftoi se Swift, do të bëjë debutimin e saj si regjisore në filmin me një skenar origjinal që ajo ka shkruar. Ndërsa detajet rreth komplotit të filmit dhe kastit nuk janë ndarë ende, filmi do të prodhohet nga Searchlight, i cili në vitet e fundit ka bërë filma fitues të “Oscar” si filmi i Guillermo del Toro 2017 “The Shape of Water” dhe “Nomadland”.