Para pak kohësh “Ice universe” zbuloi se Samsung do të prezantonte serinë Galaxy S23 më 1 shkurt 2023. Sot gjatë ditës, dega e Samsung në Kolumbi e konfirmoi datën – teksa krijoi një faqe në website-n e saj të internetit për ngjarjen Galaxy Unpacked për zbulimin e serisë S23.

Ajo faqe tani është fshirë, gjë që sugjeron se Samsung Colombia ka treguar para kohe datën e ngjarjes së zbulimit “Unpacked”. Por ne presim që vetë gjigandi të bëjë një njoftim zyrtar për ngjarjen që pritet të ndodhë së shpejti.

Seria Galaxy S23 pritet të përbëhet nga tre modele – Galaxy S23, Galaxy S23+ dhe Galaxy S23 Ultra. Samsung nuk ka zbuluar ende asgjë rreth tyre, por falë imazheve të tyre të zbuluara, ne e dimë se si do të duket treshja e telefonave Galaxy S23. Mund të prisni që më shumë detaje rreth linjës Galaxy S23 të shfaqen në fillim të ngjarjes Galaxy Unpacked të 1 shkurtit.