Ish-gruaja e futbollistit brazilian Dani Alves, Dana Dinorah ka thënë se ajo po jeton një makth pas arrestimit dhe burgosjes së tij dhe këmbënguli se ai nuk do ta kryente kurrë një akt të tillë për të cilin është akuzuar. 39-vjeçari ka kaluar tre netët e fundit në burg pasi u arrestua për një sulm seksual të dyshuar në klubin e natës “Sutton” të qytetit muajin e kaluar. Ish-gruaja e futbollistit tha:

Jam ende në shok. Duket sikur është një makth dhe nuk po ndodh.

Duke këmbëngulur se besonte se babai i dy fëmijëve të saj ishte i pafajshëm, biznesmenia tha në një intervistë me një program televiziv spanjoll se:

Dani nuk do ta bënte kurrë këtë. E them këtë sepse e njoh prej 22 vitesh dhe kam qenë e martuar me të për 10 vite. Kjo ka qenë një tronditje për mua dhe për fëmijët e mi. Unë kam dy fëmijë adoleshentë që po vuajnë. Dani i kërkoi avokatit të tij të më telefononte që të mund të zgjidhja gjërat e tij më urgjente. Mësova se ishte në burg për shkak të asaj telefonate që kërkoi nga avokati i tij të më bënte. Nuk kam pasur kontakt me Danin dhe nuk kam mundur të flas me të në telefon. Avokati i tij thotë se ai është i trishtuar, por ai është mirë. Unë jam këtu për çdo gjë që mund të bëj për ta ndihmuar atë.

Dani Alves, është akuzuar për sulm seksual ndaj një gruaje në banjat e një klubi nate në Barcelonë, natën e 30 dhjetorit dhe do të mbahet në paraburgim pa kusht. Ish-futbollisti i ka mohuar kategorikisht akuzat. Ai pranoi se ka qenë në ambientet e klubit, por nuk e njihte gruan që e kishte akuzuar.