Miliarderja Paris Hilton dhe bashkëshorti i saj Carter Reum së fundmi mirëpritën fëmijën e tyre të parë së bashku, një djalë, nëpërmjet një gruaje surrogate. Para disa kohëve Paris u shpreh se:

Ka qenë gjithmonë ëndrra ime të bëhesha nënë dhe jam shumë e lumtur që unë dhe Carter e gjetëm njëri-tjetrin. Ne jemi shumë të emocionuar që krijuam familjen tonë së bashku dhe zemrat tona po shpërthejnë nga dashuria për djalin tonë të vogël.

Duke ndarë lajmin emocionues në Instagram, Hilton postoi një foto nga afër të foshnjës duke kapur gishtin e madh. Ajo shkroi:

Tashmë je një dashuri pa fjalë.

Hilton dhe Reum u fejuan në shkurt 2021 pas më shumë se një viti lidhje dhe u martuan në një ceremoni martese në nëntor të atij viti. Pas martesës së saj me Carter Reum, trashëgimtarja miliardere është ndeshur shpeshherë me pyetjet se kur do të bëhet nënë.

Rikujtojmë se Pamela Anderson dhe Paris Hilton do të luajnë në një film të ri. Ndryshe nga rolet e mëparshme bukuroshet bionde do të luajnë në një film horror. Regjisori dhe skenaristi i filmit është Jimmy Yiannopoulos. Në filmin e quajtur “Alone at Night” do të luajë dhe Ashley Benson, aktorja e njohur e “Pretty Little Liars”.