J.K. Rowling, shkrimtarja e “Harry Potter”, mblodhi fshehurazi 1 milion dollarë në mënyrë që 100 gra afgane të mund të arratiseshin nga talebanët kur këta të fundit morën pushtetin në Afganistan. Siç raportohet nga dailymail.co.uk, ajo siguroi paratë nga biznesmeni dhe filantropisti Lord Michael Hinge, plus shuma të tjera të mëdha nga figura të tjera të shquara dhe donacione më të vogla nga publiku.

Pra, në një operacion të vërtetë për jetë a vdekje, avokatet femra dhe familjet e tyre duhej të fshiheshin në bodrume përpara se të kontrabandoheshin në aeroporte dhe të fluturonin drejt lirisë. Bujaria e shkrimtares të “Harry Potter” për të shpëtuar njerëzit në vitin 2021 doli në dritë vetëm së fundmi në një debat në Dhomën e Lordëve, kur baroneshës Helena Kennedy, i nevojiteshin para për të shpëtuar gratë avokate, kryesisht gjyqtare dhe familjet e tyre.

Rikujtojmë se J.K. Rowling pak kohë më parë iu kundërpërgjigj Vladimir Putinit pasi ai e krahasoi trajtimin e Perëndimit ndaj vendit të tij me një reagim publik me të cilin u përball autorja e “Harry Potter”. Në një mesazh të shpërndarë në llogarinë e saj në Twitter, shkrimtarja tha se kritikat e ‘kulturës së anulimit’ nuk bëhen më së miri nga ata “duke therur civilë”. Rowling postoi gjithashtu për aktivistin e burgosur Alexei Navalny dhe denoncoi pushtimin e Ukrainës.