Rregullatori i medias në Pakistan tha të hënën se bllokoi shërbimet e Wikipedia-s në vend për shkak të lëndimit të ndjenjës myslimane duke mos hequr përmbajtjen e supozuar blasfemuese nga faqja. Kritikët denoncuan veprimin e Islamabadit, duke thënë se ishte një goditje ndaj të drejtave dixhitale. Sipas ligjeve të diskutueshme të blasfemisë së Pakistanit, kushdo që shpallet fajtor për fyerje të Islamit ose figurave të tij mund të dënohet me vdekje, megjithëse vendi ende nuk ka kryer dënimin me vdekje për blasfemi.

Por edhe akuzat për veprën penale janë shpesh të mjaftueshme për të provokuar dhunë nga turma dhe madje edhe sulme vdekjeprurëse. Grupet ndërkombëtare dhe vendase të të drejtave thonë se akuzat për blasfemi janë përdorur shpesh për të frikësuar pakicat fetare dhe për të larë hesapet personale. Autoriteti i Telekomunikacionit të Pakistanit thotë se ka bllokuar Wikipedia-n sepse një afat 48-orësh për të hequr përmbajtjen është injoruar, duke shtuar se gjëra të tilla lëndojnë ndjenjat e muslimanëve.

Fondacioni “Wikimedia” konfirmoi të shtunën ndalimin duke shpresuar që qeveria e Pakistanit të bashkohet me ta në një angazhim për dijen si një e drejtë e njeriut dhe të rivendosë aksesin në “Wikipedia” menjëherë, në mënyrë që populli i Pakistanit të vazhdojë të marrë dhe ndaje njohurinë me botën. Mohsin Raza Khan, një ekspert pakistanez i mediave sociale, tha se është e lehtë të përditësohet ose zëvendësohet materiali i Wikipedia-s që konsiderohet sakrilegj ose fyes për myslimanët, kështu që bllokimi i faqes nuk është zgjidhja.

Në të kaluarën, Pakistani e ndaloi shkurtimisht TikTok dy herë për gjoja ngarkimin e përmbajtjes imorale, të turpshme dhe vulgare. Por ndalimi u hoq më vonë pasi TikTok siguroi Pakistanin se do të hiqte përmbajtjet imorale dhe gjithashtu do të bllokonte përdoruesit që ngarkojnë përmbajtje të paligjshme. Aplikacioni u shkarkua miliona herë në Pakistan kur ndalimi u vendos në 2020 dhe 2021. Gjithashtu, në vitin 2008, Pakistani ndaloi YouTube për shkak të videove që përshkruanin Profetin Muhamed. Myslimanët përgjithësisht besojnë se çdo përshkrim fizik i profetit të Islamit është blasfemi.