Sipas Luizit këto fjalë ia ka shprehur vetëm Kiarës!
Ajo është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 po përfliten kudo në rrjet, dhe janë kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.
Kohët e fundit kemi parë puthje e përqafime në çdo cep të shtëpisë, shprehje ndjenjash, xhelozi të vogla dhe biseda “të fshehta” gjatë natës. Këngëtari i njohur është aq i bindur për ndjenjat që ka ndaj moderatores, sa është shprehur se e sheh atë si nënën e fëmijëve të tij dhe që e dashuron si i çmendur. Megjithatë, këto tre deklarata të forta siç vetë Luizi ia pranon Kiarës, nuk ia ka thënë asnjë femre tjetër në jetën e tij:
Faleminderit që ekziston!
Dua të bëhesh nëna e fëmijëve të mi!
Mos më lër kurrë!
Ditën e sotme ka pasur një debat mes Luizit dhe Kiarës, pasi Kiara është ndjerë e ofenduar prej tij. Kjo për shkak se në mëngjes, kur Luizi është zgjuar nuk i ka kushtuar vëmendjen e veçantë asaj, por u ka folur të gjitha vajzave në grup teksa ka kaluar. Për këtë Kiara i ka kërkuar llogari dhe çifti ka debatuar.