Ka dalë në dritë telefonata e fundit mes Shakirës dhe Gerard Pique-s, dy ditë para se këngëtarja të largohej nga Spanja.

Ka qenë shfaqja televizive “Fiesta”, media e cila zbuloi përmbajtjen e telefonatës së fundit të çiftit. Në telefonatë, Shakira konfirmoi se brenda dy ditësh do të transferohej në Shtetet e Bashkuara së bashku me fëmijët e saj, Sasha dhe Milan.

Ajo gjithashtu shpjegoi se po e përshpejtonte gjithë këtë ndryshim në një datë më të hershme për shkak të përkeqësimit të gjendjes së babait të saj dhe duke qenë se ai nuk ishte në gjendje të marrë trajtim në Barcelonë. Sipas ¡Hola!, hapi i radhës për babain e kolumbianes  “do të ishte një operacion i ri që ata do të ndërmerrnin në tremujorin e dytë të vitit”.

Megjithatë, programi pretendon se kjo ishte telefonata “që ka ndryshuar gjithçka”. “Fiesta” raporton se në këtë telefonatë janë shkëmbyer disa fjalë që nuk i kanë pëlqyer aspak ish-yllit të Barcelonës.

“Pique është i zemëruar, ai nuk dëgjon arsyen”, u raportua.

“Ajo është e mërzitur sepse biseda e tyre e fundit nuk ishte aq miqësore sa shpresohej”, shtoi programi.

Këngëtarja kolumbiane, e cila është zhvendosur në një rezidencë në Miami, ka nisur jetën e saj të re së bashku me fëmijët e saj Milan dhe Sasha. Fëmijët e Pique-s dhe Shakirës do të ndjekin një nga shkollat ​​më të mira në qytet, Shkollën Ditore në Miami, e cila kushton 33 mijë deri në 46 mijë dollarë në vit.