Një 39-vjeçar shqiptar ka humbur jetën pas një aksidenti të ndodhur pasditen e së enjtes në Greqi.

Ngjarja e rëndë ka ndodhur rreth orës 16:00, në autostradën Serron-Dramë.

Në rrethana ende të paqarta, mjeti që drejtohej nga 39-vjeçari është përplasur me një kamion që udhëtonte në drejtim të kundërt.

Ai u transportua me urgjencë në spital, por nuk mundi t’i mbijetonte plagëve të marra.