Vetëm disa orë pasi Sekretari i Përgjithshëm i Partisë Demokratike Gazment Bardhi paralajmëroi mbledhjen e Këshillit Kombëtar me qëllim që të pengojë mbajtjen e zgjedhjeve për kryetar më 29 korrik, kryesia e partisë ka marrë vendimin për ta shfuqizuar atë nga posti i kryetarit.

1/5 e anëtarëve të kryesisë, kanë mjaftuar për të marrë vendimin që në vend të Bardhit në cilësinë e sekretarit të Përgjithshëm të vendoset , Indrit Sefa, i cili mund të administrojë vulën e partisë.

Brenda Partisë Demokratike zyrtare ka nisur lufta e dytë për vulën e partisë, kësaj radhe bëhet fjalë për përdorimin e vulës, ku palët po luftojnë se kush do mbajë kompetencat e përdorimit. Kryesia e Partisë Demokratike me një vendim të marrë më datë 18 korrik 2023, ka vendosur që vulën e partisë t’ia marrë sekretarit të Përgjithshëm Gazment Bardhit dhe t’ia kalojë kompetencën për prodhimin dhe përdorimin e saj, sekretarit për Çështjet Ligjore dhe Zgjedhore, Indrit Sefës. Ky vendim është firmosur nga 15 anëtarë të Kryesisë së demokratëve, ndërsa vihet re se Oriola Pampuri ka hedhur firmën dy herë.