Një djalë i cili shpenzoi para disa kohësh një shumë të madhe parash për t’u dukur si një kukull Barbie, tani thotë se po jeton “si kukulla Ken”. Oli London, nga Hertfordi, shprehet se po bën “detranzicion”, duke lënë pas pamjen femërore, pasi u pendua për 32 operacionet plastike që e kanë bërë që të mos e ndjejë më fytyrën e tij.

Tani jam i lumtur me pamjen time si Ken, me hundën e vogël dhe sytë e vegjël. Vitin e kaluar kam jetuar si Barbie pasi pranova që isha trans, ndërsa tani jam bërë sërish burrë dhe po jetoj si Ken.

Rikujtojmë se për 38-vjeçarin Rodrigo Alves, dëshira për t’i ngjarë Ken-it, të dashurit të kukullës mitike Barbie u kthye një qëllim më vete. Një qëllim që kaloi çdo pritshmëri të mundshme, aq sa ai ka përfunduar në rekordet Guinness. Ai ka kryer plot 42 ndërhyrje estetike për t’i ngjarë princit të preferuar të të gjitha kohërave. Kjo dëshirë thuajse “e sëmurë’’ i ka kushtuar djaloshit braziliano-anglez plot 400.000 euro. Por, duket se mania e ndryshimeve nuk ka mbaruar akoma, pasi Rodrigo Alves, tani i vetëquajtur Jessica, ka nisur trajtimet për ndryshimin e gjinisë.