Gjesti fisnik i të riut shqiptar!

Xhojsi Lamaj, studenti i Akademisë së Policisë, orët e fundit ka qenë kryefjalë e mediave sociale prej veprimit të tij fisnik.

Ai ka gjetur një portofol me mbi 10 mijë euro dhe nuk ka hezituar ta dorëzojë në polici.

Akademia e Policisë njofton:

“Kursanti i Kursit të 18-të, Patrullë e Përgjithshme, Xhojsi Lamaj, ka gjetur një portofol me një sasi të konsiderueshme në valutë dhe lekë, karta bankare dhe dokumente të rëndësishme, të cilat i ka dorëzuar në strukturat përkatëse të policisë. Kursanti u falenderua nga drejtuesit e AS-së. Veprime të tilla janë mesazhe dhe shembuj të ndërgjegjes”.

Ai është nderuar edhe me një certifikatë mirënjohjeje nga Akademia e Sigurisë për gjestin e tij.