Influencuesja vegane 39-vjeçare Zhanna Samsonova thuhet se ka vdekur nga uria pas një diete me fruta krejtësisht ekzotike në Malajzi. Shtetasja ruse, e cila shpesh promovonte ushqime të papërpunuara në mediat sociale, ku ishte e njohur për miliona ndjekësit e saj si Zhanna D’Art, thuhet se ndërroi jetë më 21 korrik pasi më në fund kërkoi trajtim mjekësor gjatë një turi në Azinë Juglindore.

“Disa muaj më parë, në Sri Lanka, ajo tashmë dukej e rraskapitur, me këmbë të fryra”,-tha një mik i saj për Newsflash. “Ajo u dërgua në shtëpi për trajtim. Kur e pashë në Phuket, u tmerrova”. Shoqja e saj shtoi:

Unë jetoja një kat mbi të dhe çdo ditë kisha frikë se do ta gjeja trupin e saj të pajetë në mëngjes. E binda të kërkonte trajtim, por ajo nuk mundi.

Nëna e Samsonova ia atribuoi vdekjen e vajzës së saj një “infeksioni të ngjashëm me kolerën”. Megjithatë, shkaku zyrtar i vdekjes së saj nuk është bërë i ditur.