Një restorant në Puglia të Italisë i ka mohuar rezervimin e një tavoline një inflencereje vegane dhe 7 miqve të saj, me pretendimin se nuk kishte asgjë vegane. Ngjarja ka ndodhur ndërsa Giulia ishte me pushime me miqtë e saj. Ajo ka treguar për ndjekësit e saj në Instagram dhe TikTok, përmes një videoje, bisedën telefonike mes saj dhe punëtorit vendas. “Ne nuk pranojmë veganët. Shko diku tjetër”,-iu përgjigj restoranti.

Videoja që përfshin telefonatën fillon me zërin e Xhulias në sfond, duke thënë: “Po çfarë hanë 8 veganët në Pulia? Këtu tradita ofron shumë pjata me perime natyrale. Jemi 8 veganë, të gjithë veganë”, thotë e reja dhe restoranti i përgjigjet: “O Zot, o Zot, prit një minutë se nuk kemi asgjë vegane, më fal, kërko dikë tjetër”.

Vajza i përgjigjet: “Kam parë në menunë tuaj, në faqen tuaj të internetit, që ju keni ende gatime vegane nga Pulia”. “Shkoni diku tjetër, shkoni diku tjetër, sepse ne nuk i pranojmë veganët këtu”,-përgjigjet restoranti. Sipas blogeres e gjitha kjo ishte një paragjykim duke qenë se në menu kishte opsione të natyrshme vegane.

 

View this post on Instagram

 

A post shared by Giulia || Cucina Veg e Lifestyle 🌱 (@giuliapisco)

“Fatmirësisht, kishte vende që, megjithëse nuk ishin miqësore me veganët, na bënë të ndiheshim të mirëpritur me atë që mundnin. Pra, pyes veten: pse të humbasësh 8 klientë duke i përjashtuar apriori kur opsionet vegane janë në të vërtetë të disponueshme?”,-pyet ajo.