Aktorja e njohur Jada Pinkett Smith ka publikuar disa foto të reja në rrjetet sociale, duke treguar se flokët i janë rritur sërish. “Këto flokë këtu po provojnë për t’u rikthyer. Ende kemi disa pika problematike, por do të shohim”, shkroi ajo sipër imazheve. Rikujtojmë, se Jada ka treguar se vuan nga alopecia.

Ishte shakaja e komedianit Chris Rock për flokët e rëna të Jadas në ceremoninë e “Oscars 2022”, e cila çoi në një shuplakë të aktorit Will Smith ndaj tij. U zbulua se Jada vuante nga alopecia, një gjendje autoimune që mund të çojë në rënien e flokëve. Sipas Institutit Kombëtar të Shëndetësisë, nuk ka kurë për alopecinë.

FDA miratoi përdorimin e një ilaçi për pacientët me alopeci në qershor 2022, i cili bllokon sistemin imunitar të trupit nga sulmi i folikulave të flokëve. Ndërkohë, aktorja ka nënshkruar për të ripërsëritur rolin e saj si Lisa Cooper, në “Girls Trip 2”. Jada Pinkett Smith pritet që së shpejti të publikojë një libër që do të detajojë martesën e saj të ndërlikuar me Will Smith.