Një autobus shkolle është bërë shtëpi për Jeff, gruan e tij Anna, pesë fëmijët e tyre, një qen dhe një mace, të cilët kanë mjaft hapësirë për të jetuar. Me rritjen e familjes, duheshin bërë ndryshime, kështu që tani ka një kat të dytë që është mjaft i madh për dy dhoma gjumi të vogla, si dhe një sallë lojërash. Dhomat e gjumit për tre fëmijët janë në katin e parë dhe ka hapësirë të mjaftueshme për shtretër më të mëdhenj dhe disa të tjerë.

Në katin kryesor ka hapësirë të mjaftueshme për një kuzhinë me tavolina dhe dollapë, ndërsa për përgatitjen e ushqimit përdoret një furrë dhe katër pllaka. Kuzhina është e pajisur me një frigorifer të madh, si dhe ka edhe një lavatriçe. Menjëherë pas kuzhinës është tualeti. Dhoma e gjumit është e destinuar për prindërit, e pajisur me një krevat të madh që ndodhet sipër ndarjes së motorit dhe ofron shumë hapësirë ruajtjeje, ndërsa krevatin e rrethojnë raftet.

Në dhomën e ndenjes ka një divan që mund të shtrihet dhe të përdoret për të fjetur. Edhe pse nuk ka të dhëna të sakta për energjinë dhe ujin, dihet se energjia diellore është e mjaftueshme për disa njësi të ajrit të kondicionuar. Ujërat e zeza duhet të hiqen një herë në javë dhe duke pasur parasysh që familja është e madhe. Autobusi u ble në vitin 2017 për 4,000 dollarë dhe që atëherë janë investuar rreth 50,000 dollarë në të për ta bërë atë shtëpinë e përsosur.