Policia Rrugore përditëson informacionin më të fundit lidhur me akset rrugore me trafik të rënduar nga veriu në jug të territorit të vendit tonë.

• Rruga interurbane Shkodër-Harku i Bërdicës e anasjelltas me ngarkesë të shtuar.

• Rruga interurbane Fushë Milot-Lezhë dhe Lezhë-Shëngjin me trafik shumë të rënduar në hyrje dhe dalje të Lezhës.

• Rruga interurbane Thumanë-Fushë Krujë, Fushë Prezë-Fushë Krujë, Tapizë-Fushë Krujë me trafik shumë të rënduar.

• Rruga interurbane Tiranë-Vorë, Tiranë-Rinas dhe anasjelltas, me trafik shumë të rënduar.

• Rruga interurbane Durrës-Shkozet, Unaza e qytetit, me ngarkesë të shtuar trafiku.

• Autostrada Tiranë-Elbasan është me trafik të rënduar nga Shijoni deri në Bradashesh.

• Rruga interurbane Vlorë-Orikum rezulton me ngarkesë të shtuar nga Vlora deri në Radhimë.

• Rruga interurbane Sarandë-Ksamil është me trafik shumë të rënduar, nga kanali i Çukës e deri në brendësi të Ksamilit.

Duke konsideruar tendencën në rritje të trafikut, gjatë orëve të drekës dhe pas mesditës së sotme, parashikohet që rrugët e lartpërmendura të kenë trafik të rënduar deri në mbrëmje. Në këto kushte kërkohet mirëkuptim nga të gjithë drejtuesit e mjeteve që të tregojnë durim në drejtimin e mjeteve në raport me rregullat e qarkullimit rrugor, si dhe të njoftojnë në numrin 112 për çdo situatë apo shkelje që cënon sigurinë e tyre dhe të të tjerëve.