Miliarderi Bill Gates, po përpiqet të gjejë zgjidhjen përfundimtare për të “luftuar” mushkonjat. Ilaçi përfundimtar mund të vijë nga Zvicra, falë kompanisë dsm-firmenich, një kompani aromatike që punon në një formulë që përmban aroma që i largojnë mushkonjat.

Vetë Bill Gates ka ndjekur nga afër punën e kësaj kompanie, e specializuar në zhvillimin e shijeve dhe aromave. Kjo kompani synon të mbrojë popullsinë nga pickimi i mushkonjave, pasi ato transmetojnë sëmundje që shkaktojnë vdekjen e mijëra njerëzve çdo vit në mbarë botën.

Puna nuk do të ndalet me kaq sepse po mendohet edhe prodhimi i kremrave për trupin. Nga kompania janë të vetëdijshëm se nuk do të ishte një zgjidhje e mrekullueshme, por të kombinuara me mjete të tjera si përdorimi i rrjetave kundër mushkonjave, mund të ndihmojnë në uljen e ndjeshme të pickimeve.

Për të konfirmuar efektivitetin e secilës aromë, u krye një test në të cilin një person vendosi krahun e tij brenda një hapësire të mbyllur plot me mushkonja. Nëse ka vetëm dy pickime, testi konsiderohet i dështuar dhe era përjashtohet. Një nga më efektivet deri tani mban erë zambaku, një aromë e lehtë lulesh e përdorur zakonisht në parfumeri.