Aktori i ri me origjinë somaleze Barkhad Abdi ka prodhuar një nga skenat më të njohura kur shqiptoi fjalët “Tani kapiteni jam unë”, në filmin “Captain Phillips” me Tom Hanks, por u pagua vetëm 65,000 dollarë për rolin e tij në filmin me kastin e milionerëve. Nga ana tjetër, kolegu i tij i famshëm i kastit Hanks, fitoi rreth 15 milionë dollarë. Abdi u nominua për çmimin ‘Aktori më i mirë në rol dytësor’ në “Oscars” dhe “Golden Globes” në vitin 2013 dhe fitoi çmimin BAFTA.

Me një buxhet prej 55 milionë dollarësh të filmit, kjo është gati një e dhjeta e kostos totale të prodhimit. Megjithatë, kjo ka të ngjarë për faktin se aktori ishte krejtësisht i panjohur në fillim. Ai i tha ‘The New Yorker’ në vitin 2014 se po punonte si shofer për kompaninë e limuzinave të vëllait të tij, kur pa një thirrje për somalezët në qendrën e tij lokale të komunitetit në Minneapolis.

Abdi u zhvendos në SHBA, nëpërmjet Jemenit, kur ishte fëmijë kur shpërtheu lufta në Somali. Audicioni për rolin e kapitenit Phillips filloi me një pyetësor të cilit Abdi iu përgjigj ‘po’ në çdo fushë, duke përfshirë gënjeshtrën për faktin se ai nuk mund të notonte.

Audicionet e filmit “Captain Phillips” ai i kreu bashkë me tre të njohur të zonës së tij që ishin Faysal Ahmed, Mahat M. Ali, and Barkhad Abdirahman, të cilët të gjithë kaluan provën për rolin debutues të piratëve somalezë. Filmi i bazuar në një histori të vërtetë kishte si protagonist aktorin e njohur të Hollywood, Tom Hanks.

Në ditën kur kapiteni Phillips doli në ekran, Abdi la punën duke punuar për vëllain e tij, por ishte ende pa menaxher. Megjithatë, ai kishte nevojë për një të tillë, pasi një varg nominimesh për çmime ishin gjatë rrugës së tij. Dhe jo pa meritë, fjalia e tij ikonë, pa dyshim pjesa më e paharrueshme e filmit, ishte një moment improvizimi i papërpunuar. Tani, me një agjent, Abdi ka përfituar nga performanca e tij dhe që atëherë ka luajtur në filma si “Eye In The Sky” (2015), “Blade Runner 2049” (2017) dhe “Castle Rock” (2019).