Një grua e mbuluar me çokollatë dhe e shtrirë në mes të tavolinës së ushqimit. Ky ka qenë imazhi që të ftuarit e Voi Colonna Village, një hotel i famshëm në Itali gjetën gjatë bufesë. Incidenti shkaktoi një stuhi në rrjetet sociale pasi një menaxher i quajtur Federico Mazzieri vendosi të raportojë atë që ndodhi me një postim në LinkedIn.

“Kam mbetur pa fjalë duke parë këtë skenë. Pas momentit të parë të shqetësimit, pyes veten: Voi Hotels përfaqëson mikpritjen e vërtetë italiane, por çfarë do të thotë kjo? Çfarë mendojnë menaxherët e Alpitour për këtë paraqitje të trupit femëror dhe lejon këto sjellje, ku trupi i një gruaje, i një punëtoreje, barazohet me atë të enëve për të kënaqur syrin djallëzor të dikujt. Jam me pushime me vajzen time 14-vjecare dhe komenti i saj ishte: ‘Babi kjo është e neveritshme, ky nuk është vendi ku mund të përmbushësh veten”,- shkruajti ai duke treguar neveri ndaj objektivizimit të figurës femërore.

Faljet nga hoteli nuk vonuan, përsëri përmes LinkedIn:

Na vjen keq shumë për incidentin që ndodhi dhe dëshirojmë të ritheksojmë me vendosmëri se nuk kemi pasur kurrë qëllim të përfaqësojmë vlera të tjera përveç atyre që përqafojmë. Ne po marrim masa të menjëhershme për të trajtuar këtë incident në mënyrë konstruktive dhe për të siguruar që asnjë klient nuk duhet të ndihet i ofenduar në asnjë mënyrë në të ardhmen.