Presidenti rus Vladimir Putin, pas vdekjes së Prigozhin, u ka bërë thirrje të gjithë pjesëtarëve të grupit Wagner që të betohen për besnikëri ndaj shtetit rus. Ai nënshkroi dekretin të premten, që zbatohet për këdo që merr pjesë në aktivitete ushtarake në Ukrainë, ndihmon ushtrinë dhe shërben në njësitë e mbrojtjes territorial, i cili do të hyjë menjëherë në fuqi.

Dekreti vjen vetëm dy ditë pasi liderët e grupit Wagner u shpallën të vdekur pas rrëzimit të aeroplanit në rajonin Tver të Rusisë. Vendet perëndimore në anën tjetër thonë se ende nuk ka prova të mjaftueshme për vdekjen e kreut të grupit Wagner, Yevgeny Prigozhin.

Theksojmë se ish-shefi i ushtrisë britanike Lord Dannatt, ka deklaruar se pas vdekjes së Prigozhin me shumë mundësi është Putin. Ish-shefi i shtabit të përgjithshëm, gjenerali Lord Dannatt, është shprehur se:

Unë mendoj se ka shumë mundësi që edhe nëse nuk është urdhëruar drejtpërdrejt nga Putini, është nga dikush që e di se çfarë do të kishte dëshiruar Putini dhe ka siguruar që eliminimi i agresionit të ketë ndodhur.

Lordi Dannatt tha se Putini do të ishte detyruar disi në këtë veprim, nëse vërtet do të ishte i përfshirë, për të siguruar pozicionin e tij të lëkundur në krye të shtetit rus.

Putini u dobësua që nga momenti kur Prigozhin filloi marshimin e tij fatkeq në Moskë dy muaj më parë.