Në një sondazh të fundit 59% e meshkujve deklaruan se dashuria me shikim të parë ekziston madje 29% e tyre kanë thënë se kjo u ka ndodhur. Siç ka thënë antropologia Ellen Fisher në Wall Street Journal, “burrat janë tipa vizualë“.

Ata shohin një grua që pëlqejnë vizualisht dhe emocionet e tyre aktivizohen më shpejt. Nga ana tjetër, gratë janë më të kujdesshme.

Dikush më dinak mund të thotë edhe se kjo është vetëm tërheqje fizike dhe jo dashuri. Fisher, megjithatë, thekson se për burrat, këta të dy funksionojnë në të njëjtën mënyrë. Përveç kësaj, kur biem në dashuri, trupi ynë çliron dopaminë, e cila na jep një ndjenjë shpërblimi. Rrezet X të trurit të njerëzve të dashuruar tregojnë se aktivizohen zona të caktuara që aktivizohen edhe në trurin e njerëzve të varur nga heroina.

Ndërkaq, terapisti i çifteve William Meleney beson se dashuria nuk është dhe nuk duhet të jetë një qëllim afatgjatë në një martesë, përkundrazi është një “mit i rrezikshëm” që shpesh çon në divorc. Ai shprehet se:

Është një situatë e përkohshme, jo konstante në marrëdhëniet tona. Kjo përvojë mund të kontribuojë në themelimin e një martese, por jo ta mbështesë atë plotësisht. Dashuria kalon me intimitet dhe rutinë.