Fatkeqësisht ka ndërruar jetë në moshën 67-vjeçare Arleen Sorkin, zëri origjinal i personazhit të animuar të DC, Harley Quinn dhe aktores së Days of Our Lives. Bashkëkryetari i DC James Gunn ndau lajmin e trishtuar për vdekjen e aktores në një postim në Instagram.

Pusho në paqe, Arleen Sorkin, zëri origjinal tepër i talentuar i Harley Quinn, i cili ndihmoi në krijimin e personazhit që shumë prej nesh e duam. Dashuri për familjen dhe miqtë e saj.

 

View this post on Instagram

 

A post shared by James Gunn (@jamesgunn)

Krahas mesazhit të tij, ai postoi një foto të Sorkin dhe një imazh të personazhit të saj ikonik Harley Quinn nga seriali i animuar i DC. Aktorja e lindur në Uashington luajti për herë të parë Harley Quinn në vitin 1993 në Batman: The Animated Series dhe e risolli personazhin në shumë seriale dhe videolojëra që pasuan.

Sorkin ishte gjithashtu e njohur për rolin e saj si Calliope Jones Bradford në telenovelën Days of Our Lives, të cilën e luajti nga viti 1984 deri në 2010. E ndjera vazhdoi të shfaqej në disa seriale dhe filma televizivë, duke përfshirë Open House (1989), Perry Mason: The Case of the Killer Kiss (1993) dhe Dream On (1990). Në vitin 2004 ajo u shfaq në një episod të shfaqjes televizive Fraiser.