Ishulli i Majorkës në Spanjë është goditur nga moti i keq ditën e diel, me shi të dendur e erë të fortë. Mediat spanjolle raportojnë se shezlonget në plazhe kanë fluturuar në ajër duke lënduar edhe disa turistët, të cilët kanë braktisur menjëherë zonat bregdetare për të gjetur streha të sigurta.

Ndërkohë, si pasojë e erës së fortë, një kroçere është shkëputur nga ankorimi dhe është përplasur me një anije mallrash gjatë stuhisë duke lënë disa turistë të lënduar lehtë. Si pasojë e stuhisë, më shumë se 100 fluturime janë anuluar ose devijuar në Palma, Ibiza dhe në Menorca.