Sezoni i dytë i “Love Story” do të nis transmetimin më 15 nëntor në Tv Klan, ndërkohë disa detaje janë zbuluar për reality show-n.

Produksioni ka zbuluar se edhe në këtë sezon, opinionistë do të jenë sërish Robert Aliaj dhe Jerina Lalaj. Ndryshe nga viti i kaluar, programi do të vijë i shoqëruar me një emision ditor. “Love Story Talk” do të drejtohet nga Eni Shehu. Programi ditor do të ketë opinioniste Xhensila Peren dhe Zhaklina Lakatarin.

 

View this post on Instagram

 

A post shared by Eni Shehu (@enishehuiam)

“Këtë vit kemi një risi dhe në edicionin e dytë, duam që të prezantojmë jo vetëm një djalë, por edhe një vajzë që do të ketë 20 kandidatë djem. E reja e ‘Love Story 2’ do të jetë që do të kemi një vajzë dhe një djalë në fron,” tha Alketa Vejsiu në “Kurthin e Piter Pan” në prill.

Pak kohë më parë, gjatë një interviste për Klan News, autorja Ilda Lumani u shpreh “vajza që është zgjedhur ka spikatur që vitin e kaluar dhe e meriton plotësisht të jetë në atë karrige, pasi i plotëson të gjitha kushtet dhe do të bëjë diferencën me elegancën, bukurinë, nivelin dhe mënyrën se si do të sillet”.