Duket se dronat e lëshuar nga fansat për të mbështetur banorët e shtëpisë së “Big Brother VIP”, janë bërë tashmë një traditë.

Mirëpo, sot për herë të parë është dërguar një dron edhe mbi shtëpinë e “Big Brother VIP Kosova”.

Publiku ka treguar mbështetjen ndaj reperit Stresi pas periudhës së vështirë që ai kaloi, për shkak të largimit të Getinjos nga gara.

“Stresi jemi me ty, Shqipëri Etnike”- shkruhej në banderolë krah fotos së Stresit.

Nga ana tjetër, mbi shtëpinë e BBVA janë dërguar drona të shumtë për Luizin, ndërkohë që janë planifikuar edhe 10 drona të tjerë nga fansat, madje edhe një helikopter.