Instagram ka vendosur të zgjasë ndjeshëm kohëzgjatjen maksimale të Reels, sipas zhvilluesit dhe këshilltarit të respektuar Alessandro Paluzzi. Aktualisht, Reels janë të kufizuar në 3 minuta, por pamjet e postuara nga Paluzzi tregojnë se ato do të jenë deri në 10 minuta në të ardhmen. Kjo do ta transformojë në mënyrë efektive këtë rrjet social në një platformë më të qëndrueshme për ndarjen e videove, si YouTube.

Lëvizja do të lejojë gjithashtu Instagram të konkurrojë me rivalin TikTok, i cili tashmë i lejon përdoruesit të postojnë video deri në 10 minuta. YouTube nga ana tjetër është duke u përpjekur të depërtojë në botën e videove me forma të shkurtra.  Kohët e fundit ka prezantuar mjetet e krijuesit dhe një burim zbulimi muzikor, që të kujton TikTok.

Ndërkaq, Meta, kompania mëmë e Facebook dhe Instagram është shprehur se për përdoruesit në Europë postimet Story dhe Reels do të shfaqen në rend kronologjik ndërsa rezultatet e kërkimeve nuk do të personalizohen. Ky ndryshim vjen vetëm pak ditë përpara se Akti i Shërbimeve Dixhitale të Bashkimit Europian të fillojë të veprojë mbi faqet e mëdha të internetit, përfshirë Facebook dhe Instagram që konsiderohen platforma të mëdha online.