Kasetat e Princeshës Diana nga vitet 1990 gjatë bisedave me biografin e saj Andrew Morton po dalin në dritë. Sipas asaj që mund të dëgjohet në to, Mbreti Charles duket ka deklaruar se ishte “i zhgënjyer” kur lindi Princi Harry, sepse “donte një vajzë”.

Pjesë nga audio, të cilat do të shfaqen në një dokumentar të ardhshëm, janë publikuar në Shtetet e Bashkuara të Amerikës.

Diana pretendon se Charles i tha njerkës së saj Raine Spencer në pagëzimin e Princit Harry në 1984:

“Ne jemi shumë të zhgënjyer, ne donim një vajzë”.

Si përgjigje, kontesha Spencer “e preu atë” dhe i tha atij se “duhet të kuptosh se je me fat që ke një fëmijë“, shtoi Diana.

Princesha bëri shtatë orë regjistrime teksa ishte ende e martuar me Mbretin Charles, i cili në atë kohë ishte Princi i Uellsit.

Megjithatë, jo të gjitha regjistrimet u dëgjuan në dokumentarin e vitit 2017. Produksioni i ri pritet të dalë në transmetim në fillim të vitit 2024.