Krim në familje! Vritet me thikë 37-vjeçarja në Tiranë, autore dyshohet e motra…
Një vrasje me thikë ka ndodhur ditën e djeshme në Tiranë në rrugën e Kavajës. Një 37-vjeçare me emrin Amanda Pushani u gjet e pajetë, e cila fillimisht u dyshua se kishte kryer vetëvrasje, por hetimet vërtetuan ndryshe. Pas kryerjes së autopsisë ka rezultuar se shtetasja Pushani, kishte ndërruar jetë si pasojë e plagëve të marra nga një mjet prerës.
Ajo që ka njoftuar ngjarjen ka qenë nëna e viktimës, e cila ka telefonuar ambulancën duke i thënë se e bija nuk ndihet mirë. Shërbimi mjekësor e gjeti të vdekur 37-vjeçaren ndera gjatë ekzaminimit u vu re që kishte një plagë poshtë stomakut.
Ngjarja dyshohet se ndodhi për motive banale, ku motrat kanë pasur një përleshje mes tyre pasi viktima ishte e alkoolizuar dhe shpeshherë bëhej agresive.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale. /TCH