Dita e dytë e Osmanit në Shqipëri, merr pjesë në një ekspozitë për Ditën e Nënë Terezës! Vizitë në Durrës e Berat

vovalbania September 05, 2023 0 koment 1 Mund të lexoni në minuta.
Dita e dytë e Osmanit në Shqipëri, merr pjesë në një ekspozitë për Ditën e Nënë Terezës! Vizitë në Durrës e Berat

Presidentja e Kosovës, Vjosa Osmani do të vijojë ditën e dytë të vizitës në Tiranë. Ndërsa dita e djeshme ishte parashikuar për takime të nivelit të lartë, sot e para e shtetit të Kosovës do të marrë pjesë në një aktivitet me homologun Bajram Begaj për ditën e Shenjtërimit të Nënë Terezës.

Në Presidencë do të çelet ekspozita për nder të Nënë Terezës, një bashkëpunim midis tre institucioneve: Drejtorisë së Përgjithshme të Arkivave, Agjencisë Shtetërore të Arkivave të Kosovës si dhe Institutit të Trashëgimisë Kulturore të Shqiptarëve të Maqedonisë së Veriut.

Në orën 09:00, Osmani dhe Begaj do të vizitojnë ekspozitën e Arkivave dhe do të japin nga një deklaratë për shtyp. Më pas, Osmani do të marrë pjesë në Ceremoninë e vendosjes së kurorës në monumentin “Nëna Shqipëri”.

Pas këtyre aktiviteteve, presidentja e Kosovës do të niset drejt Beratit, ku do të zhvillojë një takim me Kryetarin Ervin Demo, i cili do t’i akordojë edhe titullin ‘Patron i Kalasë’, një titull që i jepet personaliteteve të shquara që vizitojnë qytetin dhe që kontribuojnë me veprimtarinë e tyre në dobi të qytetit. Ndalesa tjetër do të jetë në Durrës ku Osmani do të zhvillojë një takim me Kryetaren e Bashkisë te Durrësit, Emiriana Sako si dhe do të vizitojë doganën në Portin e Durrësit.

Axhenda

5 shtator

Ora 09:00 – 09.20 – Aktivitet i përbashkët i dy Presidentëve me rastin e Ditës së Nënë Terezës në ekspozitën e Arkivave

Të dy presidentët marrin pjesë në hapje dhe japin nga një deklaratë

Vendi: Presidenca e Shqipërisë

Ora 09:30-09:40 – Ceremonia e vendosjes së kurorës në monumentin “Nëna Shqipëri” me pjesëmarrjen e Nënkryetarit të Bashkise, z. Andi Seferi dhe Komandantit të Gardës se Republikës, z. Gramos Sako

Nisja për në BERAT

Ora 11:15-11:30 – Takim midis Presidentes së Republikës së Kosovës SH.S.Znj. Vjosa Osmani Sadriu, me Kryetarin e Bashkisë së Beratit, Z.Ervin Demo

Vendi: Bashkia e Beratit

11.30-11.45 – Ceremonia e dhënies së Titullit ‘’ Patron i Kalasë’’ ( Anglisht ‘’Patron of the Castle’’). Ky është një titull shumë i lartë ekskluziv,i cili i jepet personaliteteve të shquara që vizitojnë qytetin dhe që kontribuojnë me veprimtarinë e tyre në dobi të qytetit.

NISJA PËR NE DURRËS

Ora 16.50-17.15 – Takim me Kryetaren e Bashkisë te Durrësit, zj. Emiriana Sako

Vendi: Bashkia Durrës

Ora 17.30 – Vizite ne piken doganore te Kosovës ne Portin e Durrësit

Biletë:

vovalbania

Redaktori nuk ka dhënë ende asnjë informacion për veten e tij.

Total 51250 ka shpërndarë postimin.
MEDIAT SOCIALE