Këngëtarja e njohur, Shakira është rikthyer në Instagramin e saj me një sërë fotosh të reja. Ylli i popit po përgatitet për performancën e saj në MTV VMA, ku do të nderohet me çmimin Michael Jackson Vanguard. Shakira tregoi fleksibilitetin e saj të jashtëzakonshëm teksa po bënte prova për performancën e saj në MTV VMA të javës së ardhshme ku do të nderohet me çmimin Michael Jackson Vanguard.

Këngëtarja 46-vjeçare nga Kolumbia ka shpërndarë një sërë fotosh në Instagram. Mes fotove që ajo ka postuar, është edhe një që tregon Shakira duke pozuar me këmbët pas kokës, e cila është bërë kudo në rrjet virale. Në mbishkrimin e postimit të saj, Shakira shkroi:

“Si mendoni? Nga cila këngë është kjo pozë? Mezi po pres të martën!”.

Krijuesja e hitit “Hips Don’t Lie” shihej duke u përpëlitur në dysheme në pozicione të shumta përpara se të kapte një kitarë argjendi dhe të merrte mikrofonin.