Nuk janë të paktë ata që zgjedhin të pinë një pije freskuese çdo ditë me drekën apo darkën e tyre.

Në përgjithësi, shumica e pijeve joalkoolike përmbajnë mesatarisht 10,6 gram sheqer për 100 ml që do të thotë se një kanaçe 330 ml ka 8,3 lugë çaji. Nga kjo mund të kuptohet se kur i pimë ato marrim shumë më tepër kalori sesa imagjinojmë.

Pra, nëse konsumoni një kanaçe me gaz në ditë dhe nuk i shkurtoni ato kalori që merrni nga diku tjetër, atëherë, fatalisht, në një vit ka të ngjarë të shtoni plot 7 kilogramë. Megjithatë, edhe një pjesë e madhe e lëngjeve të frutave komerciale nuk mbeten mbrapa pasi kanë një sasi të barabartë ose më të madhe.