Ekskluzive/ Shqetësoi ndjekësit me daljen e fundit, zbulohet çfarë ka ndodhur me Arjan Konomin
Një video e postuar së fundmi nga Arjan Konomi ka tërhequr vëmendjen dhe ka shqetësuar ndjekësit.
Kjo për shkak se ata vunë re një ndryshim të madh në pamjen e jashtme të opinionistit, një enjtje të fytyrës së tij, veçanërisht në pjesën e syve dhe të hundës.
Kjo bëri që një pjesë e ndjekësve të mendonin se Arjani ka një problem shëndetësor, ndërsa një pjesë tjetër u shprehën se ai mund të ketë bërë ndonjë ndërhyrje kirurgjikale.
Burime ekskluzive për “Lokimagazine.com” kanë zbuluar se në fakt Arjani ka bërë një operacion në hundë, gjë që i ka ndikuar edhe në enjtjen e syve, e cila është ende e dukshme.
Kujtojmë se përsa i përket aktivizimit nëpër programe televizive, duket se që pas largimit nga “Për’puthen” opinionisti ka vendosur të bëjë një pauzë nga ekrani.