“Crossover-i” bZ4X momentalisht është makina elektrike e vetme e Toyota që prodhohet në masë. Tani marka japoneze ka filluar të lëvizë me shpejtësi dhe ka njoftuar hiper-prodhimin e makinave elektrike dhe nga viti 2026 do të lançojë në treg makinën e parë elektrike me gjeneratën e re të baterive me teknologji solide të elektroliteve dhe me rreze të ngarjes deri në 800 kilometra.

Shifra e shitjeve globale të makinave elektrike të grupit Toyota arriti në pak më pak se 25,000 njësi. Toyota do të përshpejtojë prodhimin e makinave elektrike të markave të saj Toyota dhe luksoze Lexus. Prodhuesi i makinave ka të ngjarë të rrisë prodhimin e makinave elektrike në vitet e ardhshme për të arritur një prodhim vjetor prej më shumë se 600,000 makinash në vitin 2025.

Përfaqësuesit e markës japoneze kanë deklaruar më parë në mënyrë ambicioze se marka synon të shesë 1.5 milionë makina elektrike në vit deri në vitin 2026 dhe 3.5 milionë rreth një e treta e vëllimit aktual global deri në vitin 2030. Toyota shiti më pak se 25,000 makina elektrike në mbarë botën vitin e kaluar, duke përfshirë markën e saj Lexus. Rezultatet përfundimtare priten për këtë vit dhe është paralajmëruar një rritje e prodhimit të makinave elektrike në rreth 150,000 makina, ndërsa për vitin e ardhshëm është planifikuar një rritje deri në 190,000 makina.