Fatkeqësisht ka ndërruar jetë në moshën 84-vjeçare aktorja e njohur për rolin e saj prej vitesh në telenovelën drithëruese “Dark Shadoës” Lara Parker. Agjenti i saj njoftoi se aktorja kishte ndërruar jetë vetëm një javë para ditëlindjes së saj të 85-të. Rikujtojmë se audicioni i saj i dytë profesional ishte për “Dark Shadows” dhe e ndjera fitoi rolin e Angelique Bouchard, një shtrigë hakmarrëse që kaloi shekuj në një marrëdhënie dashurie-urrejtjeje me Barnabas Collins të Jonathan Frid në dramën gotike ABC.

Parker përsëriti rolin në filmin e vitit 1971 “Night of Dark Shadows”. Ajo dhe burri i saj i parë u divorcuan në vitin 1975. Aktorja më pas u martua me burrin e saj të dytë, Jim Hawkins në vitin 1980. Aktorja kaloi një pjesë të mirë të karrierës së saj duke u shfaqur në seriale si Kojak, The Incredible Hulk dhe Alice. Parker u largua nga aktrimi në vitin 1999. Ajo filloi një karrierë të re si mësuese e anglishtes në shkollë të mesme.

Në vitin 1998 ajo botoi librin e saj të parë. Kjo u pasua nga libra të tjerë të “Dark Shadows” duke përfshirë: The Salem Branch, Wolf Moon Rising dhe Heiress of Collinwood. Ajo u ribashkua me aktorët e saj të “Dark Shadows”, Jerry Lacy dhe Kathryn Lee Scott për “Dr. Mabuse” të 2013-ës dhe “Doctor Mabuse: Etiopomar” të 2014-ës. Roli i saj i fundit ishte në “The Great Nick D” me miqtë Kathryn Lee Scott dhe David Selby. Filmi me regji dhe skenar nga Ansel Faraj dhe Nathan Wilson pritet të shfaqet vitin e ardhshëm. Parker ka lënë pas burrin e saj të dytë, Jim Hawkins; vajzën Caitlin dhe djemtë Rick Parker dhe Andy Parker nga martesa e saj e parë.