Lawrence Faucette, personi i dytë i gjallë që iu transplantua një zemër derri e modifikuar gjenetikisht, ka ndërruar jetë gjashtë javë pas procedurës eksperimentale. Qendra Mjekësore e Universitetit të Maryland, ku ishte kryer procedura eksperimentale, tha se zemra filloi të shfaqte shenja refuzimi ditët e fundit. Me anë të deklarate Dr.Bartley Bartley Griffith tha se:

Dëshira e fundit e Faucette ishte që ne të përfitonim sa më shumë nga ajo që kemi mësuar nga përvoja jonë, kështu që të tjerëve mund t’u garantohet një shans për një zemër të re kur një organ njerëzor nuk është i disponueshëm. Do të na mungojë jashtëzakonisht shumë.

Faucette, u pranua për herë të parë në spital më 14 shtator pasi përjetoi simptoma të atakut kardiak dhe iu nënshtrua transplantit eksperimental gjashtë ditë më vonë. Sëmundja e tij e zemrës dhe kushtet para-ekzistuese e bënë atë të papërshtatshëm për një transplant tradicional të zemrës njerëzore.

Në javët që pasuan menjëherë transplantin, mjekët raportuan se ai po bënte përparim të dukshëm, duke përfshirë pjesëmarrjen në terapi fizike dhe kalimin e kohës me familjen. Një muaj pas operacionit, mjekët thanë se besonin se funksioni i zemrës ishte i shkëlqyer dhe kishin tërhequr çdo ilaç për të mbështetur funksionimin.

Sipas qeverisë federale, ka më shumë se 113,000 njerëz në listën e transplantit të organeve, duke përfshirë më shumë se 3,300 njerëz që kanë nevojë për një zemër. Grupi Donate Life America thotë se 17 njerëz vdesin çdo ditë duke pritur për një organ donator. Në janar 2022, Universiteti i Maryland kreu gjithashtu operacionin e parë të tillë eksperimental mbi 57-vjeçarin David Bennett, i cili ndërroi jetë dy muaj pas operacionit.